ტუსანის (Hyundai Tucson) ზეთის შეცვლა ბათუმში
ტუსანის ზეთის შეცვლა ბათუმში მიღებაზე ერთი კითხვით იწყება: ბენზინი თუ დიზელი? დიზელის Tucson-ზე ჭვარტლის ფილტრით (DPF) არასწორი ზეთი უფრო ძვირი ჯდება, ვიდრე ამ ზომის სხვა ნებისმიერ მანქანაზე. სამუშაო 30 ლარიდან, 30-40 წუთი, მოდით აეროპორტის გზატკეცილზე, 212მ. ზეთი ჩვენი ან თქვენი: შეიძლება, მაგრამ კლიენტის ნაწილებზე გარანტია არ ვრცელდება.
თაობები, ხადავოი და კარობკები Hyundai Tucson-ის გვერდზეა, ზოგადი წესი ზეთის შეცვლის გვერდზე. აქ მხოლოდ ის, რითაც Tucson სხვებისგან განსხვავდება.
ბენზინის ძრავები
| თაობა | ძრავი | ზეთი |
|---|---|---|
| JM, 2004-2009 | 2.0 Beta II, V6 2.7 Delta | 5W-30 ან 5W-20 წიგნით |
| LM (ix35), 2010-2015 | 2.0 Nu, 2.4 Theta II MPI | 5W-20 ამერიკულზე |
| TL, 2016-2021 | 2.0 Nu, 2.4 GDI, 1.6 T-GDI Gamma | 5W-20 / 5W-30, ტურბოზე API SP ან SN PLUS |
| NX4, 2022-დან | 2.5 Smartstream, ჰიბრიდი 1.6T | 0W-20, ტურბო დაშვებით |
2.4-ში ფილტრიანად დაახლოებით 4,5-5 ლიტრი ჩადის, 2.0 Nu-ში ცოტა ნაკლები. ციფრს VIN-ით ვადარებთ: ამერიკულ და კორეულ მანქანაზე ის განსხვავდება.
დიზელი 2.0 CRDi: რა ზეთი სჭირდება ტუსანს
ევროპული და კორეული Tucson და ix35 ხშირად R სერიის 2.0 CRDi დიზელით მოდის. 2010 წლის შემდეგ მათ ჭვარტლის ფილტრი აქვთ. მას მხოლოდ დაბალნაცრიანი ზეთი უხდება: ACEA C3, 5W-30. ჩვეულებრივი "დიზელის" ზეთი DPF-ს ნაცრით ავსებს და ფილტრი მერე ვეღარ იწვება.
R-ზე ფილტრი კარტრიჯულია: ქაღალდის ელემენტი პლასტმასის კორპუსში, ძრავის თავზე. ვცვლით ელემენტს და ხუფის რეზინის რგოლს, ხუფს დინამომეტრული გასაღებით ვუჭერთ, ბერკეტიანი ხელით არა. დიზელში ზეთი ბენზინის ძრავებზე შესამჩნევად მეტი ჩადის, მოცულობას VIN-ით ვადარებთ.
დონე ცალკე თემაა. ბათუმში მოკლე გზებზე DPF გამოწვას იწყებს და ვერ ასრულებს. სოლიარკის ნაწილი ზეთში ჩადის და ზონდზე დონე იწევს. პატრონი უხარია, ძრავი ზეთს არ ჭამსო, სინამდვილეში ზეთი სოლიარკით გათხელდა. დიზელის Tucson-ზე ზედა ნიშნულს ზემოთ დონე ნიშნავს: ვამოწმებთ ჭვარტლის ფილტრს და ზეთს ვადამდე ვცვლით.
ინტერვალი აჭარის მთის გზებისთვის
აჭარაში კროსოვერი სედანზე ხშირად ადის მთაში: ხულო, შუახევი, გრუნტის გზა აგარაკამდე. მტვერს და გრძელ აღმართებს Hyundai მძიმე პირობებად თვლის. ასეთ რეჟიმზე ბენზინს 7000 კმ-ში ვცვლით, დიზელს 7000-8000 კმ-ში. მანქანა ცოტას თუ დადის, წელიწადში ერთხელ მაინც.
სამუშაოს რიგი
- ძრავს ვათბობთ და მანქანას ამწეზე ვაყენებთ.
- დიზელზე ჯერ ზონდს ვუყურებთ და წინა ჩანაწერს ვადარებთ, თუ ჩვენთან გვაქვს.
- ზეთს ვღვრით, საცობს ახალ საყელურზე ვაბრუნებთ.
- ფილტრს ვცვლით: ბენზინზე მოსახრახნია, დიზელზე კარტრიჯი.
- ძრავის მოცულობით ვასხამთ, ვქოქავთ, ჟონვას ვუყურებთ და დონეს ვასწორებთ.
- სერვისის ინტერვალს ვანულებთ.
ოთხივე წამყვანი: რას ვუყურებთ ქვემოდან
4WD Tucson-ს უკან მიერთების მუფტა და რედუქტორი აქვს, წინ რაზდატკა (გამანაწილებელი კოლოფი). სანამ მანქანა ამწეზეა, სულ თვალწინაა.
- რაზდატკა. კარდნისკენ გამავალი ჩობალი (სალნიკი) ოფლიანდება. ზეთი შიგ ცოტაა და ორასიოდე გრამის დაკარგვაც იგრძნობა.
- უკანა რედუქტორი და მუფტა. ჟონვა და სითხის ასაკი. ძველ სითხეზე მუფტა უკანა ღერძს აგვიანებით რთავს, სველ ბალახზე ეს იგრძნობა. რედუქტორის ზეთის შეცვლის ფასი ქვემოთაა.
- კარდანი. შუა საკისარი და ჯვარედინები, თუ სიჩქარეზე გუგუნებს.
კარობკა და ფილტრები გზადაგზა
- ავტომატი. LM-ისა და TL-ის ექვსსაფეხურიან კარობკას 2.0-სა და 2.4-ზე ზონდი არ აქვს, მთიდან ჩამოსულ მანქანაზე სითხე ადრე მუქდება. დაწვრილებით: ტუსანის ავტომატის ზეთის შეცვლა.
- საჰაერო ფილტრი. ხრეშის გზის მერე ორიოდე ათას კილომეტრში უკვე ნაცრისფერია.
- დიზელის საწვავის ფილტრი. ყიდვის მერე თუ არ შეგიცვლიათ, შემოგთავაზებთ საწვავის ფილტრის შეცვლას. ცუდი სოლიარკა CRDi-ის ფორსუნკებს უფრო აზიანებს, ვიდრე მტვერი ბენზინის ძრავს.
Tucson-ის ფასები
| სამუშაო | ფასი, ₾ |
|---|---|
| ზეთისა და ფილტრის შეცვლა, ბენზინი ან დიზელი | 30-დან |
| უკანა რედუქტორისა და რაზდატკის ზეთი | 30-დან |
| ავტომატის ზეთი | 70-დან |
| საჰაერო ფილტრი | 20-დან |
| სალონის ფილტრი | 20-დან |
კითხვები Tucson-ზე
დიზელის Tucson-ში ჩვეულებრივი 10W-40 ჩავასხა? არა, თუ ჭვარტლის ფილტრი აქვს. საჭიროა დაბალნაცრიანი ACEA C3, თორემ DPF ნაცრით გაიჭედება.
დიზელზე ზეთის დონე ნიშნულს ზემოთ ავიდა. ნორმაა? არა. თითქმის ყოველთვის ეს სოლიარკაა ზეთში, DPF-ის შეწყვეტილი გამოწვის შემდეგ. ზეთს ვცვლით, ფილტრს ვამოწმებთ.
რამდენი ზეთი ჩადის Tucson 2.4-ში? დაახლოებით 4,5-5 ლიტრი ფილტრიანად, ციფრს VIN-ით ვაზუსტებთ. დიზელში მეტი ჩადის.
თვეში ერთხელ მთაში დავდივართ. ინტერვალი შევცვალო? კი, მძიმე პირობებად ვითვლით: მტვერი და გრძელი აღმართი ზეთს ქალაქზე სწრაფად აბერებს.
დიზელის Tucson-ზე ზეთის შეცვლა რა ღირს? სამუშაო 30 ლარიდან, ისევე როგორც ბენზინზე. ძვირი ზეთი ჯდება: მეტი ჩადის და C3 დაშვებით უნდა იყოს.
● 06 · კონტაქტი
დაგვიტოვეთ განაცხადი — გადმოგირეკავთ და დათვალიერებაზე ჩაგწერთ
მოგვწერეთ, რა დაემართა მანქანას. გადმოგირეკავთ, კითხვებზე გიპასუხებთ და დროს შევარჩევთ. ზუსტ ფასს დათვალიერების შემდეგ გეუბნებით: ფოტოზე დაზიანება ყოველთვის არ ჩანს.
განაცხადის გაგზავნით ეთანხმებით კონფიდენციალურობის პოლიტიკას.
ან მოგვწერეთ მესენჯერში — იქვე გიპასუხებთ:
- მისამართი
- აეროპორტის გზატკეცილი 212მ, ბათუმი
- ტელეფონი / WhatsApp / Telegram
- +995 599 66 66 75 · WhatsApp · Telegram
- მარშრუტი
- Google Maps ↗Yandex ↗Waze ↗
