ჰიუნდაი სონატას ცეპის შეცვლა (Hyundai Sonata)

ჰიუნდაი სონატას ცეპის შეცვლა (Hyundai Sonata) ბათუმში

სონატას ცეპის შეცვლას მხოლოდ მაშინ ვიწყებთ, როცა დამტკიცებულია, რომ ხმაურობს ცეპი (ჯაჭვი) და არა ვკლადიშები (ბარბაცას საკისრები) ან ფაზის რეგულატორი. ვცვლით კომპლექტად: ცეპი, ჰიდრავლიკური დამჭიმი, დამჭიმის ბაშმაკი და მიმმართველი. ბათუმში ვართ, აეროპორტის გზატკეცილი 212მ. სამუშაო 180 ლარიდან. ნაწილები ცალკე ითვლება. ვადა — 1-2 სამუშაო დღე.

რომელ სონატას აქვს ცეპი

ბათუმში რა სონატაც დადის, NF-დან მოყოლებული, ყველა ცეპზეა. ღვედი წინა თაობაში დარჩა.

თაობაძრავებიამძრავი
EF (1998-2005), TagAZ 2012-მდე2.0 Sirius, V6 2.7 Deltaღვედი
NF (2005-2010)2.0 და 2.4 Theta, V6 3.3 Lambdaცეპი
YF (2010-2014)2.4 GDI და MPI Theta II, 2.0 ტურბო, გაზის LPIცეპი
LF (2014-2019)2.4 GDI, Nu 2.0, 1.6 და 2.0 ტურბო, LPIცეპი
DN8 (2019-დან)Smartstream 2.5, 1.6 ტურბო, LPIცეპი

ძველი EF სხვა სამუშაოა, იხ. ძრავის ღვედის შეცვლა. YF-ზე და LF-ზე ატმოსფერული 2.0 შეიძლება Theta II იყოს ან Nu, ამიტომ ძრავის კოდს ვამოწმებთ. V6 3.3-ს რამდენიმე ცეპი აქვს და სამუშაოც ბევრად მეტია. მოდელის დანარჩენი პრობლემები, 2.4 GDI-ის კაკუნი და გაზის ვერსიები, გვერდზეა Hyundai Sonata-ს შეკეთება.

ცეპი, ვკლადიშები თუ ფაზის რეგულატორი

ამას პირველ რიგში ვარკვევთ. ახალი ცეპი ძრავზე, სადაც ბარბაცას ვკლადიშები უკვე მოკვდა, გადაყრილი ფულია.

ცეპი. 1-3 წამიანი ჩხრიალი ცივი ქოქვისთანავე, ყველაზე ხმამაღლა ღამის ან რამდენიმედღიანი დგომის შემდეგ. ისმის წინიდან მარჯვნივ, გენერატორის ღვედის მხრიდან. ძრავი გათბა და ხმაც გაქრა.

ვკლადიშები. ყრუ კაკუნი ცხელ ძრავზეც რჩება და გაზის მიცემისას ხშირდება. ცხელ ძრავზე უქმ სვლაზე (ხოლოსტოიზე) ზეთის წნევა დაბალია. აქ უკვე კაპიტალურ რემონტზეა საუბარი და არა ცეპზე.

ფაზის რეგულატორი CVVT. ტკაცუნი და ჩხრიალი უქმ სვლაზე, შეცდომები P0011 ან P0014. ხშირად დამნაშავე ფაზების მართვის სარქველია გაჭედილი ბადით, ცეპი კი წესრიგშია.

შეცდომები, რომლებიც ცეპზე მიუთითებს

  • P0016: მუხლა ლილვისა და შემშვები განაწილების ლილვის შეუსაბამობა.
  • P0017: იგივე გამომშვებ ლილვზე.

მარტო P0016 შეიძლება სენსორი (დატჩიკი), გაყვანილობა ან CVVT-ს სარქველი აღმოჩნდეს. P0016 და P0017 ერთად თუ ჩანს, ორივე ლილვი გადაიწია მუხლა ლილვთან მიმართებით, და ეს გაჭიმული ცეპის ტიპიური სურათია. სკანერის ცოცხალ მონაცემებში განაწილების ლილვების ფაქტობრივ კუთხეს მიზნობრივს ვადარებთ, ძრავი გამთბარი უნდა იყოს. თუ მანქანის ღამით დატოვება შეგიძლიათ, დილით ცივ ქოქვას მოვუსმენთ.

რატომ იჭიმება ცეპი ბათუმის სონატებზე

ცეპი ზეთზე ცოცხლობს. ჰიდრავლიკური დამჭიმი მას ზეთის წნევით იჭერს, ბინძური ზეთით ან დაბალი დონით ვერ ასწრებს. ტაქსი-სონატა მთელი დღე მუშაობს, აეროპორტთან დიდხანს დგას უქმ სვლაზე, ზეთს კი გარბენით ცვლიან, თუმცა მოტოსაათები ბევრად სწრაფად გროვდება. ამას დაუმატეთ ზაფხულის სიცხე და საცობები ქალაქის შესასვლელთან.

კორეული გაზის LPI ცალკე ამბავია. ამძრავის მექანიკა იგივეა, მაგრამ გარბენი ჩვეულებრივ უზარმაზარია და მომსახურების ისტორია არავინ იცის.

Theta II 2.4: ცეპის შეცვლა ეტაპებად

  1. სკანერი, მოსმენა, ზეთის წნევის გაზომვა. ვადასტურებთ გაჭიმვას.
  2. ძრავს ვაყრდნობთ, ვხსნით მარჯვენა ბალიშს, გენერატორის ღვედს და მუხლა ლილვის შკივს.
  3. ვხსნით ცეპის წინა სახურავს. ის ჰერმეტიკზე ზის და ზეთის კარტერს (პადდონს) ებჯინება, ზედაპირებს ლითონამდე ვწმენდთ.
  4. პირველი ცილინდრი ზედა მკვდარ წერტილში. ახალ ცეპს შეღებილი რგოლები აქვს, მათ განაწილების ლილვების და მუხლა ლილვის ვარსკვლავების ნიშნულებს ვუთანხმებთ.
  5. ვსვამთ ცეპს, ბაშმაკს, მიმმართველს და ახალ დამჭიმს ფიქსატორით. ფიქსატორს ვიღებთ, როცა ყველაფერი ადგილზეა.
  6. მუხლა ლილვს გასაღებით ორ სრულ ბრუნზე ვატრიალებთ და ნიშნულებს ვამოწმებთ.
  7. მუხლა ლილვის ახალი ჩობალი (სალნიკი), ახალი ჰერმეტიკი, ზეთი ფილტრით. ჰერმეტიკს გაშრობის დროს ვაძლევთ.
  8. ქოქვა, შეცდომების წაშლა, ფაზები ცოცხალ მონაცემებში. მეორე დილით ცივ ქოქვას კიდევ ერთხელ ვუსმენთ.

ვარსკვლავებს და CVVT რეგულატორებს მხოლოდ მაშინ ვცვლით, თუ კბილების ცვეთა ჩანს ან თვითონ ჩხრიალებს. 2.4-ს ქვემოთ, კარტერში, საბალანსო ლილვების და ზეთის ტუმბოს მოდული აქვს თავისი ცეპით. კარტერი თუ მოხსნილია, მასაც ვუყურებთ.

ფასი

სამუშაოფასი, ₾
ცეპის შეცვლა Sonata 2.0, 2.4 (სამუშაო)180-დან
დიაგნოსტიკა: ცეპი თუ ვკლადიშები30-დან
ღვედის შეცვლა ძველ EF-ზე90-დან
კაპიტალური რემონტი, თუ ვკლადიშები კაკუნებს1000-დან

კითხვები სონატას ცეპზე

2.4 სონატაზე ცეპის შეცვლა რამდენი დაჯდება? სამუშაო 180 ლარიდან. V6 3.3 უფრო ძვირია, ცეპები მეტია. კომპლექტს VIN-ით ვარჩევთ.

რა გარბენზე იცვლება სონატაზე ცეპი? რეგლამენტი არ არის. ცვლიან ნიშნების მიხედვით: ჩხრიალი ცივზე, ფაზების შეცდომები, ბოლომდე გამოწეული დამჭიმი. ტაქსიზე, სადაც ზეთს იშვიათად ცვლიან, ეს უფრო ადრე დგება, ვიდრე კერძო მანქანაზე.

მხოლოდ დილით ჩხრიალებს, დღისით ჩუმადაა. უკვე დროა? უმეტესად ეს გაჭიმვის დასაწყისია. მაგრამ ჯერ ზეთის დონეს და ჩასხმულ ზეთს ვამოწმებთ: დაბალ დონეზე დამჭიმი წნევას გვიან კრებს და ჯანმრთელ ცეპზეც ჩხრიალებს.

შეიძლება P0016-ით და P0017-ით სიარული? მხოლოდ ცოტა ხანს და მშვიდად. ცეპი თუ კბილზე გადახტება, სარქველები შეიძლება დგუშებს შეხვდეს და ხარჯი რამდენჯერმე გაიზრდება.

LPI სონატაზე ცეპი სხვაა? არა, ამძრავის მექანიკა იგივეა. გაზის სისტემას ამ სამუშაოსთვის არ ვშლით.

●  06 · კონტაქტი

დაგვიტოვეთ განაცხადი — გადმოგირეკავთ და დათვალიერებაზე ჩაგწერთ

მოგვწერეთ, რა დაემართა მანქანას. გადმოგირეკავთ, კითხვებზე გიპასუხებთ და დროს შევარჩევთ. ზუსტ ფასს დათვალიერების შემდეგ გეუბნებით: ფოტოზე დაზიანება ყოველთვის არ ჩანს.

განაცხადის გაგზავნით ეთანხმებით კონფიდენციალურობის პოლიტიკას.

ან მოგვწერეთ მესენჯერში — იქვე გიპასუხებთ:

მისამართი
აეროპორტის გზატკეცილი 212მ, ბათუმი
ტელეფონი / WhatsApp / Telegram
+995 599 66 66 75 · WhatsApp · Telegram
მარშრუტი
Google Maps ↗Yandex ↗Waze ↗
PRO SERVICE-ის შესასვლელი