სამუხრუჭე (ტორმუზის) დისკების შეცვლა

სამუხრუჭე (ტორმუზის) დისკების შეცვლა ბათუმში

სამუხრუჭე დისკების შეცვლა PRO SERVICE-ში (ბათუმი, აეროპორტის გზატკეცილი 212მ): ვზომავთ სისქეს და ცემას, ვწყვეტთ — შევცვალოთ, ავჩარხოთ თუ დავტოვოთ, — და დისკებს ღერძზე წყვილად ვცვლით ხუნდებთან ერთად. ფასი — 60 ლარიდან ღერძზე, დრო — 1-2 საათი. დისკები და ხუნდები ცალკე ფასდება. საკუთარი ნაწილები: შეიძლება, მაგრამ კლიენტის ნაწილებზე გარანტია არ ვრცელდება.

როდის არის დისკის შეცვლის დრო

  • სისქე მინიმუმზე ნაკლებია. მინიმალური დასაშვები სისქე თვითონ დისკზეა ამოტვიფრული (ხშირად „MIN TH") ან მწარმოებლის მონაცემებშია. მიკრომეტრით რამდენიმე წერტილში ვზომავთ.
  • ცემა. სიჩქარიდან დამუხრუჭებისას საჭე ან პედალი ცახცახებს — დისკი გადახურებისგან დაიღუნა.
  • ღრმა ღარები და საფეხური კიდეზე. ახალი ხუნდები ასეთ დისკს ბოლომდე არ ეკვრის და უარესად ამუხრუჭებს.
  • ლურჯი ლაქები, ბზარები — გადახურების კვალი, ასეთი დისკი მხოლოდ შესაცვლელია.
  • ძლიერი კოროზია. ნესტიან ზღვისპირა ჰაერში დიდხანს დგომის შემდეგ სამუშაო ზედაპირი ღრმულებით იფარება და არა უბრალოდ ნადებით.

ჟანგი: როდის არის ნორმალური

წითური ნადები დისკებზე წვიმიანი ღამის ან რეცხვის შემდეგ ნორმაა, პირველივე დამუხრუჭებებზე იშლება. პრობლემაა, როცა ჟანგი სამუშაო ზედაპირზე ლაქებად რჩება, მუხრუჭები წრიპინებს და მანქანა გვერდზე იწევს. ეს უფრო ხშირად უკანა დისკებს ემართება და მანქანებს, რომლებიც ცოტას დადიან: ხუნდები ზედაპირს ვერ წმენდს. ასეთ დროს სუპორტებსაც ვამოწმებთ — გაჭედილი მიმმართველი იგივე ეფექტს იძლევა.

როგორ ვცვლით

  1. ვხსნით თვლებს, სუპორტებს, სამაგრებს და ძველ დისკებს.
  2. სტუპიცას ჟანგისგან ლითონამდე ვწმენდთ: ჭუჭყიან სტუპიცაზე ახალი დისკიც კი ცემას მისცემს.
  3. ვაყენებთ ახალ დისკებს და ხუნდებს ღერძზე წყვილად, მიმმართველებს ვპოხავთ.
  4. ვამოწმებთ შლანგებს, დგუშებს, სუპორტის პილნიკებს.
  5. პედალს ვტუმბავთ, სითხეს ვამოწმებთ, სატესტო გასვლა და ხუნდების მიწევა.

როგორი ტორმუზის დისკები არსებობს

ვენტილირებადი (შიგნით არხებით) ჩვეულებრივ წინ დგას, მთლიანი — უკან. არის პერფორირებული და ღარებიანი დისკებიც: აირს და წყალს უკეთ აშორებს, მაგრამ უფრო ხმაურიანია და ხუნდებს უფრო სწრაფად ცვეთს. ბათუმში ყოველდღიური სიარულისთვის და აჭარის სერპანტინებზე ჩვეულებრივ საკმარისია ქარხნული ტიპის ხარისხიანი დისკები. ზოგ მანქანას უკან დოლური მუხრუჭები (ბარაბანი) აქვს — მათაც იმავე ლოგიკით ვემსახურებით: გაზომვა, ცილინდრების დათვალიერება, შეცვლა.

ფასი

სამუშაოფასი, ₾
სამუხრუჭე დისკების შეცვლა (ღერძი)60-დან
ხუნდების შეცვლა (ღერძი)40-დან
დისკების ჩარხვა (ღერძი)70-დან
სამუხრუჭე სითხის შეცვლა40-დან

ხშირად დასმული კითხვები

რა ღირს დისკებისა და ხუნდების შეცვლა?

ხელობა — დისკებზე 60 ლარიდან და ხუნდებზე 40 ლარიდან ღერძზე. ნაწილების ფასი მოდელზეა დამოკიდებული.

შეიძლება მხოლოდ ერთი დისკის შეცვლა?

არა, მხოლოდ წყვილად ღერძზე, თორემ დამუხრუჭებისას მანქანა გვერდზე წავა.

ხუნდებიც უნდა შეიცვალოს დისკებთან ერთად?

დიახ, ძველი ხუნდები ძველი დისკის ცვეთას იმეორებს და ახალს არ მოერგება.

დამუხრუჭებისას საჭე ცახცახებს — დისკებია?

ყველაზე ხშირად კი, მაგრამ მსგავსად ვლინდება სავალი ნაწილის პრობლემებიც. ჯერ დისკის ცემას ვამოწმებთ, მერე საკიდარს.

რით გემუქრებათ გაცვეთილი დისკებით სიარული?

თხელი დისკი უფრო სწრაფად ხურდება და იღუნება, დამუხრუჭების მანძილი იზრდება, გაცვეთილი ხუნდებით კი ლითონი დისკს კიდევ უფრო ჭრის. საბოლოოდ შეკეთება უფრო ძვირი ჯდება.

●  06 · კონტაქტი

დაგვიტოვეთ განაცხადი — გადმოგირეკავთ და დათვალიერებაზე ჩაგწერთ

მოგვწერეთ, რა დაემართა მანქანას. გადმოგირეკავთ, კითხვებზე გიპასუხებთ და დროს შევარჩევთ. ზუსტ ფასს დათვალიერების შემდეგ გეუბნებით: ფოტოზე დაზიანება ყოველთვის არ ჩანს.

განაცხადის გაგზავნით ეთანხმებით კონფიდენციალურობის პოლიტიკას.

ან მოგვწერეთ მესენჯერში — იქვე გიპასუხებთ:

მისამართი
აეროპორტის გზატკეცილი 212მ, ბათუმი
ტელეფონი / WhatsApp / Telegram
+995 599 66 66 75 · WhatsApp · Telegram
მარშრუტი
Google Maps ↗Yandex ↗Waze ↗
PRO SERVICE-ის შესასვლელი