ფოლკსვაგენის ხელოსანი: ძრავი, DSG და ძარა ბათუმში
ფოლკსვაგენის ხელოსანი ბათუმში — PRO SERVICE (აეროპორტის გზატკეცილი 212მ). ვაკეთებთ ფოლკსვაგენს: TSI და TDI ძრავები, DSG კარობკა, ხადავოი, ელექტროობა და ძარა. ძარის შეკეთება — 150 ლარიდან, დათვალიერების შემდეგ.
რომელ ფოლკსვაგენებს ვხედავთ
ამერიკიდან საქართველოში ბევრი Passat და Jetta შემოდის, ევროპიდან — Golf, Polo, Tiguan, Touareg. ცალკე სამყაროა Transporter T4 და T5 — ძველი, მაგრამ გამძლე ფურგონები, რომლებითაც აჭარაში ტურისტებს, ტვირთს და ოჯახებს ზიდავენ. თანამედროვე ფოლკსვაგენს და ძველ „ტრანსპორტიორს" სულ სხვადასხვა პრობლემა აქვს, ამიტომ ცალ-ცალკე განვიხილავთ.
თანამედროვე ფოლკსვაგენი: ტექნიკა, რომელსაც ცოდნა სჭირდება
DSG. რობოტიზებული კარობკა ორი ცეპლენიით: მშრალით ზოგ პატარა მოდელზე, ზეთში — უფრო მძლავრზე. ტიპური ჩივილები — დაძვრისას ბიძგები, გადართვისას დარტყმა, მექატრონიკის შეცდომები, ავარიული რეჟიმი. ხშირად შველის ადაპტაცია ან ზეთის შეცვლა („სველ" ვერსიაზე), ზოგჯერ — ცეპლენიის ან მექატრონიკის რემონტი. რა სჭირს კონკრეტულად თქვენს კარობკას, დიაგნოსტიკამდე ვერ ვიტყვით: ადაპტაცია ერთი სამუშაოა, მექატრონიკის რემონტი — სულ სხვა. დეტალურად — DSG-ის შეკეთება.
TSI ძრავები. ბენზინის ტურბო ძრავები პირდაპირი შეფრქვევით. ზოგ მათგანზე გარბენთან ერთად გვხვდება ჯაჭვის გაწელვა, ზეთის მომატებული ხარჯი, ნადები შემშვებ სარქველებზე (უსწორო მუშაობა უქმზე). ამიტომ ვიწყებთ ძრავის დიაგნოსტიკით და არა ნაწილების შეცვლით.
TDI დიზელები. მგრძნობიარეა საწვავის ხარისხზე და ქალაქის მოკლე მგზავრობაზე. ყველაზე ხშირად ზიანდება ფორსუნკები, EGR სარქველი, გვიან მოდელებზე კი ჭვარტლის ფილტრიც.
ელექტროობა. ბევრი ბლოკი, რომლებიც ერთმანეთს „ელაპარაკება". ნაწილის შეცვლის შემდეგ ხშირად საჭიროა ადაპტაცია ან კოდირება.
Polo-ს, Golf-ის, Jetta-ს ხადავოი. სტაბილიზატორის დგარები, საილენტბლოკები, ამორტიზატორის საყრდენები — ჩვეულებრივი ცვეთა ჩვენს გზებზე. ფასი იმაზეა დამოკიდებული, კონკრეტულად რა გაცვდა, ამიტომ ვიწყებთ ხადავოის დიაგნოსტიკით.
ტრანსპორტიორის (T4/T5) და ძველი ფოლკსვაგენების შეკეთება: ჟანგი და ძარა
ძველ ფოლკსვაგენზე ასაკი ჩანს: ზღურბლების, თაღების, იატაკის, კარის ღიობების კოროზია, განსაკუთრებით ბათუმის ნოტიო ჰავაში. ბევრს უკვე რამდენიმე რემონტი აქვს გავლილი, ამიტომ ძარას ჯერ ვათვალიერებთ და მხოლოდ ამის შემდეგ ვასახელებთ სამუშაოს მოცულობას და ფასს. ძარას აღვადგენთ: შედუღება, სარემონტო ჩანართები, თუნუქის გასწორება, შეღებვა და ანტიკოროზიული. ყველაფერი ამ მარკის ძარის სამუშაოზე — ფოლკსვაგენის ძარის შეკეთება.
ფასი
| სამუშაო | ფასი, ₾ |
|---|---|
| კომპიუტერული დიაგნოსტიკა | 30-დან |
| ძრავის დიაგნოსტიკა | 30-დან |
| ხადავოის დიაგნოსტიკა | 30-დან |
| ძარის შეკეთება | 150-დან |
ძარის შეკეთების თანხას დათვალიერების შემდეგ გეუბნებით. სხვა სამუშაოების ღირებულება იხილეთ ფასების გვერდზე.
ხშირად დასმული კითხვები
T4-ს აკეთებთ?
კი: ძარა, შედუღება, ხადავოი, ძრავი. მოცულობას დათვალიერებისას ვაფასებთ — ამ მანქანებზე ძალიან განსხვავდება.
DSG ბიძგებს აკეთებს — შეიძლება ვიარო?
შეიძლება, მაგრამ დიდხანს არა: ბიძგები ცეპლენიის ცვეთას აჩქარებს. მოდით დიაგნოსტიკაზე.
ორიგინალი თუ ანალოგი?
შეგიძლიათ საკუთარი ნაწილები მოიტანოთ, მაგრამ მათზე გარანტია არ ვრცელდება. ჩვენ მიერ შეკვეთილ ნაწილებზე გარანტია ვრცელდება — ვადას მენეჯერი გითანხმებთ. ნაწილებს ნებისმიერ მანქანაზე შევუკვეთავთ.
სკანერი ფოლკსვაგენის ყველა ბლოკს ხედავს?
VIN-ით გეტყვით, რომელი ბლოკები და ფუნქციებია ხელმისაწვდომი.
რა შევამოწმო ფოლკსვაგენის ყიდვამდე?
ძრავი და DSG კარობკა დიაგნოსტიკით, ხადავოი და ძარა — შეკეთების კვალზე. მანქანას ამწეზე ვამოწმებთ და გეტყვით, რა მოითხოვს ხარჯს — შემოწმება ყიდვამდე.
● 06 · კონტაქტი
დაგვიტოვეთ განაცხადი — გადმოგირეკავთ და დათვალიერებაზე ჩაგწერთ
მოგვწერეთ, რა დაემართა მანქანას. გადმოგირეკავთ, კითხვებზე გიპასუხებთ და დროს შევარჩევთ. ზუსტ ფასს დათვალიერების შემდეგ გეუბნებით: ფოტოზე დაზიანება ყოველთვის არ ჩანს.
განაცხადის გაგზავნით ეთანხმებით კონფიდენციალურობის პოლიტიკას.
ან მოგვწერეთ მესენჯერში — იქვე გიპასუხებთ:
- მისამართი
- აეროპორტის გზატკეცილი 212მ, ბათუმი
- ტელეფონი / WhatsApp / Telegram
- +995 599 66 66 75 · WhatsApp · Telegram
- მარშრუტი
- Google Maps ↗Yandex ↗Waze ↗
